Россиянинг Украинга ҳужуми бутун сайёра аҳолиси фаровонлигига зарба беради. Бу ҳақда Халқаро валюта фонди раҳбари Кристалина Георгиева маълум қилди.
"Биз Пандемияда мисли кўрилмаган мнқирозни бошдан кечирдик. Ҳозир эса унданда шок ҳолатдамиз. Тасаввур қилиб бўлмас воқеа — Европада уруш содир бўлди", — деган у.
У инқироз энг аввало Россияни қамраб олишидан огоҳлантирган. Георгиева Россияни чуқур инқироз кутаётганини, шундан кецин жаҳон иқтисодиёти ўсиши секинлашишини тахмин қилган.
Шунингдек, ХВФ раҳбари Москвани дефольт хавфи кутаётганини ҳам маълум қилган.
Маълумот ўрнида: 24 февраль куни Россия Украинада махсус операция бошлади. Бунга қарши АҚШ ва унинг иттифоқчилари Москвага нисбатан санкицялар жориц этди. Хусусан, Россия банклари SWIFT тизимидан узиб қўйилди. Айрим давлат банкларининг қатор Ғарб давлатларидаги фаолияти тақиқланди. Шунингдек, Москвага юқори технологиялар сотиш тўхтатилди.
Эслатиб ўтамиз, аввалроқ Путин санкцияларга қарамай, муаммога ечим топишга ваъда бергани тўғрисида хабар қилинганди.