“UzGasTrade” акциядорлик жамияти ташкил этилди
У табиий газни марказлашган тарзда харид қилиш ва сотиш учун мўлжалланган.
Президентнинг 15 июнда табиий газ бозорини ислоҳ қилишнинг қўшимча чора-тадбирлари тўғрисида имзоланган қарорига кўра, табиий газни марказлашган тартибда харид қилиш ва сотиш функциясини бажарувчи “UzGasTrade” АЖ ташкил этилмоқда.
Ҳозирда бу вазифани “Ўзтрансгаз” АЖ бажармоқда. “UzGasTrade” АЖ газни ташиш, сақлаш ва транзит қилишга ихтисослашган магистрал газ транспорти тизимининг ягона оператори бўлади.
Қарор билан 2022 йил 1 августдан бошлаб “UzGasTrade”:
➖ табиий газни давлатнинг ягона оператори сифатида республикадаги ишлаб чиқарувчилардан Идоралараро тариф комиссияси томонидан тасдиқланадиган нархларда ва импорт орқали ташқи манбалардан марказлашган тартибда харид қилиш;
➖ “Ҳудудгазтаъминот” АЖга ва магистрал газ узатиш тизимига уланган истеъмолчиларга табиий газни тўғридан-тўғри шартномалар асосида сотиш, шу жумладан президент қарорларида кўзда тутилган ҳолатлардан ташқари ягона экспорт қилувчи функцияларини бажаради.
