Вашингтон Киевга шошилинч ҳарбий ёрдам ажратди
Байден бу борада махсус меморандум имзолаган.
АҚШ президенти Жозеф Байден давлат котиби Энтони Блинкенга Украинага дарҳол ҳарбий ёрдам беришга топшириқ берди. Бу ҳақда Оқ уй махсус ҳужжат ишлаб чиққан.
Унга кўра, Вашингтон Украинага 350 миллион долларлик мудофаа воситалари ва мудофаа вазирлиги хизматларини етказиб бериши керак. Шу билан бирга, ҳарбий таълим ва тайёргарлик масаласида ҳам кўмак бериш кўзда тутилган.
Кейинчалик қўшимча 250 миллионлик қурол ва хизматлар ҳам етказиб берилиши мумкин.
Маълумот ўрнида: Россия 24 февраль куни Украина шарқида махсус операция ўтказишни бошлади. Ҳозирда Украинанинг кўплаб ҳарбий объектларига авиазарбалар берилган. РФ мудофаа вазирлиги украин армиясининг ҳаво-ҳужумига қарши тизимлари тўлиқ ишдан чиққанини маълум қилган.
Эслатиб ўтамиз, аввалроқ сўнгги икки кунда 50 минг украиналик ватанини тарк этгани тўғрисида хабар берилганди.
