“Chinese Eastern Airlines” авиакомпаниясининг ҳалокатга учраган “Boeing–737” самолётининг барча йўловчилари ҳалок бўлган деб эълон қилинди. Бу ҳақда Хитой давлат котиби хабар берди.
Эслатиб ўтамиз, авиакомпания йўловчи самолёти 21-март куни Хитойнинг жанубида ҳалокатга учраган. Самолёт бортида 132 киши бўлган, улардан тўққиз нафари экипаж аъзоси, қолганлари йўловчилар эди. Бу Хитойда 2010 йилдан бери кузатилган биринчи тижорат реактив ҳалокатидир.
Аввалроқ ҳаво лайнери қулаган ҳудуддан қора қутилардан бири топилганди. Қурилма қаттиқ шикастланган бўлиб, у махсус гуруҳ томонидан ўрганилмоқда. Ҳалокат сабаблари аниқланмаган.