Хитойда яна Covid-19 билан оммавий касалланиш ҳолатлари аниқланди. Бу ҳақда Хитой Соғлиқни сақлаш давлат қўмитаси хабар берди.
Қўмита маълумотларига кўра, касалланиш ҳолатлари Хитой шимоли-ғарбида Ганьсу, Хэйлунцзян вилоятлари ва ички Мўғулистон автоном районида аниқланган. Хусусан, Хэйлунцзян провинциясидаги Хэйхэ шаҳридан 27 октябрь куни пневмония юқтирган бемор чиққан. Шундан кейин ярим миллион аҳолиси бўлган Хэйхэ шаҳри карантинга олинган.
Ҳозирча жами 93 киши коронавирус билан касалланган. Ҳукумат бу ҳудудларда дарҳол чекловлар жорий этди, аммо бу амалда натижа бермаяпти ва касалланиш ҳолатлари ўсишда давом этмоқда.
Бундан аввал дунёда коронавирусга қарши қанча дозада вакцина қўлланилгани маълум қилинганди. Шунингдек, Коронавирус Ухань шаҳрида 2019 йилнинг ёзидаёқ тарқалган бўлиши мумкинлиги хабар қилинганди.
Жаҳонгир Қўзиев