Ҳодиса бугун, 25 сентябрь куни Урганч шаҳрида жойлашган банк биносининг ижарага берилган юқори қисмида содир бўлган.
Шунга кўра, ёнғин-қутқарувчилар соат 11:10 да ҳодиса жойига етиб бориб, ёнғин соат 11:30 да ўраб олинган ва соат 12:22 да ўчирилган.
Ёнғин натижасида бино том қисмининг тахминан 30 квадрат метр майдони ёниб зарарланган. Ёнғинни бартараф этишга 4 та ёнғин-қутқарув экипажи ва 1 та автонарвон жалб этилган.
Ёнғин оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда.