Европа парламентининг етакчи фракцияси — Европа халқ партияси раҳбари Манфред Вебер Венгрияни истисно қилган ҳолда Россия нефтига қарши эмбарго жорий этишни таклиф қилди.
"Тўғрисини айтсам бутун Евроиттифоқнинг иккиланаётган давлат ортидан юришидан чарчадим. Агар Виктор Орбан (Венгрия бош вазири) Россияга қарши санкцияларни блокласа, биз Будапешт иштирокисиз қарор қабул қилишимиз керак. Бошқа чора қолмаса, ушбу чорани инкор қила олмаймиз", — деган сиёсатчи.
Бу Венгрия иштирокисиз Россия нефтига қарши санкция жорий этишни назарда тутади. Вебернинг қўшимча қилишича, Орбаннинг ЕИнинг бошқа қисмни гаровда ушлаб туришига йўл қўйиб бўлмайди.
Шу навбатида Евроиттифоқнинг санкциялар тўғрисидаги қарори барча аъзо давлатлар розилигини олишни тақозо этади.
Аввалроқ Россия нефть ва газдан рекорд миқдорда фойда олаётгани тўғрисида хабар берилганди.