Европа дипломатияси Украинадаги низонинг олдини ололмади ҳамда ушбу инқирозда ўзининг самарасиз эканини намойиш қилишда давом этмоқда. Бу ҳақда Болгария президенти Румен Радев маълум қилди.
“Дипломатия Украинадаги низони тўхтатишга улгурмади ва чекинишда давом этмоқда. Агрессия ва урушга барҳам берадиган қатъий сиёсат етишмаяпти. Можаро оқибатида нафақат низо томонлари ҳар куни қурбон бермоқда, балки бутун Европа иқтисодиёти зарар кўряпти”, – деган у.
Радевнинг фикрича, “совуқ уруш” якунидан сўнг Европа тинчликни сақлаб қолишга, мудофаа ва ҳавфсизлик ҳамда дипломатия соҳаларини мустаҳкамлашга етарли эътибор бермади.
“Биз бир саволни ўртага ташлашимиз керак: Нима учун дипломатия ракета ва бомбалар ортидан юриши керак”, – деб қўшимча қилган сиёсатчи.
Аввалроқ АҚШ ва Европа Украинада эҳтимолий ярашув масаласини муҳокама қилгани тўғрисида хабар берилганди.