Йилнинг энг қиммат брендлари эълон қилинди
Рейтингга киритилган брендларнинг умумий қиймати йил давомида 16 фоизга ўсиб, рекорд даража – 3,1 триллион долларга етган.
“Interband” талқини бўйича дунёдаги энг қиммат брендлар рейтингида “Apple” етакчилигини сақлаб қолди.
“Iphone” ишлаб чиқарувчиси кетма-кет 10-бор биринчи ўринни эгаллади. Компания брендининг қиймати 482,2 млрд долларга баҳоланмоқда, бу ўтган йилги натижадан 18 фоизга юқори.
Ўтган йилгидек кучли учликдан Amazon” ва “Misrosoft” ўрин олган, бироқ бренди йил давомида қиймати 32 фоизга ошган “Misrosoft” 278,3 млрд долларга баҳоланди ва бу Жефф Безос компаниясини қарийб 3,5 млрд доллар фарқ билан ортда қолдириш ва рейтингда иккинчи ўринни эгаллаш имконини берди. «Аmazon» бренди 2022 йилда 274,8 млрд долларга баҳоланди.
Рейтингга киритилган брендларнинг умумий қиймати йил давомида 16 фоизга ўсиб, рекорд даража – 3,1 трлн долларга етган.
Энг қиммат брендлар ўнлигида “Google” (251,75 млрд доллар), “Samsung” (87,7 млрд доллар), “Toyota” (59,76 млрд доллар), "Соса-Соlа" (57,5 млрд доллар), “Mersedes-Benz” (56,1 млрд доллар), “Disney” (50,3 млрд доллар) ва “Nike” (50,29 млрд доллар) номлари қайд этилган.
“Interbrand” томонидан эълон қилинаётган рейтингдан жой олишнинг бир қанча шартлари бор. Масалан компания даромадининг камида 30 фоизи бренд ишлаб чиқарилган мамлакатдан ташқаридаги ҳудудлардан олиниши керак.
Шунингдек, узоқ муддатда кутилаётган фойда бўлиши ҳамда бренд капитали қийматидан ортиқ даромад келтириши ва халқаро иқтисодиётда тан олиниши керак.
