Зеленский ўзининг “ғалаба режаси”ни очиқлади

Украина Президенти Владимир Зеленский Олий Радада ўзининг “ғалаба режаси”ни тақдим этди. Унинг ғалаба режаси беш банддан иборат.

 

Биринчи банд геосиёсий масалалар, иккинчи ва учинчиси ҳарбий масалалар билан боғлиқ. Тўртинчи банд иқтисодий соҳага, бешинчиси эса хавфсизликка тегишли.

 

Улар қуйидагилар:

 

1. Уруш тугагунга қадар Украинани НАТОга қабул қилиш.

 

2. Россия ҳудудида операцияларни давом эттириш ва унинг ҳудудида зарба бериш бўйича чекловларни бекор қилиш. У махфий иловани ўз ичига олади.

 

3. Россия “агрессиясини тийиб туриш”, унда ҳам иттифоқчилар учун махфий илова мавжуд. 

 

4. Украинанинг стратегик ва иқтисодий салоҳиятини ривожлантириш ҳамда Россияга қарши санкцияларни кучайтириш.

 

5. Уруш тугаганидан кейин Украина ҳарбийлари НАТО ва Европа мудофаасини кучайтириш учун ўз тажрибаси билан ўртоқлашиши мумкин. АҚШнинг Европадаги контингенти ўрнини Украина армияси эгаллаши мумкин.

 

Шунингдек, режа учта махфий қоидани ўз ичига олади.