Tog‘li Qorabog‘ mojarosi barham topdi
Ozarbayjon Prezidenti Ilhom Aliyevning aytishicha, Qorabog‘dagi mojaro tugadi.
«Ozarbayjon uzoq muddatli mojaroni tugatdi va BMT Xavfsizlik Kengashining qarorlarini bajardi. Mojaro tugadi, endi tinchlik haqida o‘ylash vaqti keldi», – deydi Aliyev Bokuda Yevropa Kengashi Prezidenti Charlz Mishel bilan qo‘shma matbuot anjumanida.
2020 yil sentyabr oyining oxirida Tog‘li Qorabog‘da harbiy harakatlar qayta boshlangan edi. Bu esa uzoq muddatli mojaroning davomiga aylandi va tinch aholi orasida talofatlarga olib keldi. Tomonlar sulh tuzish uchun bir necha bor urinishgan, ammo 10 noyabrga o‘tar kechasi erishilgan uch tomonlama kelishuv muvaffaqiyatli bo‘lib chiqdi.
Moskvaning vositachiligi bilan Ozarbayjon va Armaniston o‘t ochishni butunlay to‘xtatishga hamda mahbuslar va o‘liklarning jasadlarini almashtirishga kelishib oldilar.
