“Men hech qaysi ijtimoiy platformada yo‘qman” - Tramp
AQSHning sobiq prezidenti Donald Tramp ijtimoiy tarmoqlarda sahifasi yo‘qligini eʼlon qildi.
"Ko‘plab savollarga javob tariqasida aytamanki, men hech qaysi ijtimoiy platformada biror ko‘rinishda, jumladan Parler, GETTR, Gab‘da yo‘qman", - deyiladi Trampning xabarida.
Yuqorida taʼkidlangan platformalar o‘ng siyosiy spektrga yon bosadi.
"Men platforma tanlashga yoki o‘z platformamni tuzish va uni tugatishga qaror qilsam, bu haqda eʼlon qilinadi", - dedi Tramp.
Qator ijtimoiy tarmoqlarda Tramp nomi bilan ochilgan akkauntlar bor, ammo ularning rasmiy belgisi mavjud emas.
Sharofat Mahmudova
