O‘zbekistonda prezidentlik saylovlari 24 oktyabr kuni bo‘lib o‘tadi
O‘zbekistonda saylov kampaniyasi rasman 23 iyuldan boshlandi. Bu haqda Markaziy Saylov komissiyasi raisi Z.Nizomxo‘jayev maʼlum qildi.
Nizomxo‘jayevning taʼkidlashicha, Ilk bor O‘zbekiston Respublikasining Saylov kodeksi asosida o‘tadigan Prezident saylovida konstitutsiyaviy qoidalar va xalqaro saylov standartlariga binoan O‘zbekiston Respublikasining Prezidenti, yaʼni davlat rahbari davriylik prinsipi asosida saylanishi taʼminlanadi. Shuningdek bu yilgi saylovda siyosiy partiyalar soni yana bittaga ko‘payib, siyosiy raqobat sezilarli darajada oshiradi.
Majlisda saylov kampaniyasi davrida barcha siyosiy partiyalar va ular ko‘rsatgan nomzodlar uchun sog‘lom raqobat muhiti va teng sharoit yaratilishi alohida taʼkidlandi. Bunda Prezident sayloviga tayyorgarlik ko‘rish va uni o‘tkazish bilan bog‘liq ishlarni, jumladan, saylovchilarning ovoz berish jarayonini o‘z nomzodini ilgari surgan siyosiy partiyalar, fuqarolar o‘zini o‘zi boshqarish organlari, xalqaro tashkilotlar va xorijiy davlatlar vakillari, jurnalistlar, jumladan, xorijlik jurnalistlar – minglab kuzatuvchilar kuzatib boradi.
