“Qarshi-Sankt-Peterburg” yo‘nalishidagi parvozning qoldirilganiga nima sabab bo‘ldi?
“Azur Air” aviakompaniyasining ZF-5044-sonli Boing-739 samolyotida Qarshi-Sankt-Peterburg yo‘nalishidagi 27.07.2021 yil soat 5.00 da bajarilishi kerak bo‘lgan charter qatnovning qoldirilgani “Qarshi” aeroportidan uchib ketishi kerak bo‘lgan yo‘lovchilar eʼtiroziga sabab bo‘ldi.
"Uzbekistan Airports " AJ matbuot xizmati maʼlum qilishicha, xavo kemasi ekipaji komandiri samolyot yuki og‘irligi bois, ushbu qatnov bajarilmasligi haqidagi qarorni qabul qildi.
Yo‘lovchilarga “Qarshi” aeroportining masʼul xodimlari hamda “Azur Air” aviakompaniyasi samoleti ekipaji tomonidan ushbu qarorga sabab bo‘lgan xolatlar xaqida maʼlumot berildi.
Xozirda aeroport xodimlari tomonidan ushbu 214 yo‘lovchiga kerakli yordam, jumladan nonushta tarqatilib, ularni mexmonxonalarga joylashtirilmoqda va issiq ovqat bilan taminlash kabi masalalar tezkorlik bilan xal qilinmoqda.
