O‘zbekistonda bolalar nafaqasi va kam taʼminlangan oilalarga moddiy yordam to‘lovlari oshiriladi
Prezident Shavkat Mirziyoyev kam taʼminlangan oilalarga moddiy yordam ko‘rsatish hamda kambag‘allik bilan kurashish ko‘lamini yana-da kengaytirish bo‘yicha farmon imzoladi.
Farmon bilan 2021 yil 1 sentyabrdan boshlab amalda bo‘lgan kam taʼminlangan oilalarga 14 yoshgacha bolalari uchun nafaqa va 2 yoshgacha bolani parvarish qilish nafaqasi o‘rniga yagona bolalar nafaqasi joriy etiladi.
Bunda, ushbu nafaqani tayinlashda:
-
bolalar yoshi meʼyori 14 yoshdan 18 yoshgacha oshiriladi;
-
to‘lov muddati 6 oydan 12 oygacha uzaytiriladi;
-
nafaqa miqdori oiladagi bolalar sonidan kelib chiqib belgilanadi;
-
farzandi bo‘lmagan yoki farzandlari 18 yoshdan katta bo‘lgan kam taʼminlangan oilalarga moddiy yordam tayinlanadi.
Bolalar nafaqasi va kam taʼminlangan oilalarga moddiy yordam to‘lovlarining quyidagi yangi miqdorlari belgilanmoqda. Bolalar nafaqasi oilaning:
-
3 yoshdan 18 yoshgacha bo‘lgan bitta farzandi uchun – 250 000 so‘m (+56 000 so‘m);
-
3 yoshgacha bo‘lgan bitta kichik farzandi uchun – 325 000 so‘m (+131 000 so‘m);
-
ikkinchi farzandi uchun qo‘shimcha – 150 000 so‘m (+186 000 so‘m);
-
uchinchi va undan keyingi har bir farzandi uchun – 100 000 so‘mdan (amaldagi 190 ming so‘mdan 290 ming so‘mgacha ko‘p);
-
moddiy yordamning miqdori – 380 000 so‘m.
