O‘zbekistonlik bolalar Belarusda dam oladi
Belarus Suriya va O‘zbekistonlik bolalarni Zubrenok milliy bolalar taʼlim va salomatlik markazida dam olishini tashkillashtirmoqda.
Belarus rahbari Aleksandr Lukashenko Zubrenok milliy bolalar taʼlim va salomatlik markazida Suriyalik 81, O‘zbekistonlik 23 bolani dam olish va sog‘lig‘ini yaxshilash xarajatlarini moliyalashtirish uchun prezident zaxira fondidan mablag‘ ajratish to‘g‘risidagi buyruqni imzoladi. Bu haqda Belarus rahbari matbuot xizmati maʼlumotiga tayanib “Belta” xabar berdi.
Bolalarning dam olishi dasturiga lagerda sanatoriy-sog‘lomlashtirish xizmatlari, Minsk shahri va viloyatlarga sayyohat hamda madaniy tadbirlar kiradi.
"Suriya va O‘zbekistonlik bolalarni taklif qilish bu davlatlar bilan gumanitar va taʼlim sohasidagi ikki tomonlama hamkorlikni yana-da rivojlantirish, Belarus tarixi va madaniyatini ommalashtirish, shuningdek, mamlakatning xorijdagi ijobiy imijini mustahkamlashga yordam beradi", - deyiladi xabarda.
Munojat Valiyeva
