“Afrosiyob” poyezdining qo‘shimcha reyslari yo‘lga qo‘yilmoqda
O‘zbekiston mustaqilligining 30 yilligi bayrami arafasida yo‘lovchilarga yana-da ko‘proq qulaylik yaratish maqsadida “Afrosiyob” poyezdining qo‘shimcha reyslari yo‘lga qo‘yiladi, deb xabar bermoqda «O‘ztemir yo‘lyo‘lovchi» matbuot xizmati.
Unga ko‘ra, 30-, 31 avgust hamda 1 sentyabr kunlari Toshkent—Samarqand—Toshkent yo‘nalishida 764/763-sonli “Afrosiyob” yuqori tezlikda harakatlanuvchi zamonaviy poyezdlarining qo‘shimcha qatnovi yo‘lga qo‘yiladi.
-
764-sonli “Afrosiyob” zamonaviy poyezdi ushbu kunlarda Toshkent markaziy temir yo‘l vokzalidan 08:30 da;
-
763-sonli “Afrosiyob” zamonaviy poyezdi Samarqand temir yo‘l vokzalidan 17:00 da harakatini amalga oshiradi.
Avvalroq, “Afrosiyob” poyezdi harakat jadvaliga o‘zgartirish kiritilgani to‘g‘risida xabar bergandik.
