Tokio-2021: Dovurxon Karomatov para dzyudo bo'yicha navbatdagi medal sohibi
Hozirgina erkaklar o‘rtasidagi para dzyudo bo‘yicha -81 kg vazn toifasida hamyurtimiz Dovurxon Karomatov final bahsida ishtirok etdi.
Unga ozarbayjonlik Xuseyn Raximli raqiblik qildi. “Oltin ochkolar”ga qadar davom etgan kurashda vakilimiz ippon bahosi bilan imkoniyatni boy berdi va kumush medalga sazovor bo‘ldi.
Maʼlumot o‘rnida: Tokio-2021 Paralipiya o‘yinlaridagi medallarimiz soni 11 taga yetdi: 4 ta oltin, 4 ta kumush va 3 ta bronza.
Eslatib o‘tamiz, avvalroq hamyurtlarimiz Feruz Saidov para dzyudo hamda Mohigul Hamdamova disk uloqtirish bo‘yicha oltin medalni qo‘lga kiritib, Paralimpiya chempioni bo‘lgani haqida xabar berilgandi.
Maqsadjon Obidjonov tayyorladi.
