Toshkentda 359 nafar ayol fohishalik bilan shug‘ullangani uchun javobgarlikka tortildi
Toshkent shahrida o‘tkazilayotgan «Xavfsiz poytaxt» maxsus profilaktik tadbirlari davomida fohishalik bilan shug‘ullangani uchun avgust oyi boshidan buyon 359 nafar ayol maʼmuriy javobgarlikka tortildi. Bu haqda Toshkent shahar IIBB matbuot xizmati xabar berdi.
Xususan, Chilonzor tumanida o‘tkazilgan tungi reyd davomida huquqni muhofaza qiluvchi organlar tomonidan shunday yengil tabiatli ayollar qo‘lga olingan. Ulardan bemahalda nima qilib yurgani so‘ralganda tayinli javob bera olishmagan.
Shuningdek, jinoyat qidiruv bo‘limi xodimlari tomonidan qo‘shmachilik qilish yoki fohishaxona saqlash bilan bog‘liq 26 ta holat fosh etilgan.
Bundan avval Samarqandda 33 yoshli ayol o‘z xonadonini fohishaxonaga aylantirgani hamda Chilonzorda fohishalik bilan shug‘ullangan ayollar va ularning haydovchilari ushlangani haqida xabar berilgandi.
