Jahon

Bugungi Afg‘oniston: taniqli olti afg‘on ayol talqinida

“Tolibon” terrorchilik harakati Afg‘onistonda hokimiyatni qo‘lga kiritgach nafaqat raqiblari, balki oddiy fuqarolar, ayniqsa, ayollarda katta vahima uyg‘otdi.

Bugungi Afg‘oniston: taniqli olti afg‘on ayol talqinida

Toliblar garchi inklyuziv hukumat tuzish, ayollar huquqi kamsitilmasligiga vaʼdalar berayotgan bo‘lsa-da, lekin keng omma ularning bu vaʼdalariga ishonayotgani yo‘q. Shu bois  minglab afg‘onlar  Afg‘onistonni tark etish ilinjida ekani hech kimga sir emas.

 Mamlakatda taniqli 6 nafar  afg‘onistonlik ayollarning bugungi Afg'oniston haqidagi fikr-mulohazalarini jamlashga harakat qildik.  

Salima Mazari bundan avval tumanga rahbarlik qilgan. Hatto erkak davlat xizmatchilari yurtni tashlab qochayotgan bir vaqtda u hech qayoqqa ketmadi. “Tolibon”lar hokimiyatni egallagach uni asrga oldi.

 

Salima Mazari:

— Bugun deyarli barcha afg‘on xonadonida ocharchilik hukum surmoqda. Afg‘on ayollari zo‘ravonliklardan deyarli himoya etilmagan, vaziyat juda og‘ir.  

 

Saxara Karimi, kinorejissyor, Afg‘oniston davlat kinostudiyasiga rahbarlik qilgan:

—“Tolibon”lar hokimiyatni bosib olgach  ilojsizlikdan mamlakatdan chiqib ketishga majbur bo‘ldim. O‘zim bilan  faqat jiyanlarimni olib ketishga ulgurdim. Ularning men tufayli azob-uqubat chekishiga chidab turolmayman. Ular meni qatl etishlari, qarindosh-urug‘larimni tahqirlashlari  aniq edi. “Tolibon”lar  sanʼat va madaniyatni  tan olmaydi, uning rivojlanishiga  qarshi.

 

Xolida Popal, ayollar futbol jamoasi rahbari:

— Biz afg‘on ayollari orasida sportni targ‘ib qilish uchun bor kuchimizni ayamadik.  Ayollar o‘rtasida futbol klubini  tuzdik. Afsus va nadomatlar bo‘lsinki, barcha mehnatimiz chippakka chiqdi. “Tolibon”lar birinchi marta hokimiyatni egallaganidan so‘ng sportchi ayollarni ayovsiz kaltakladi, toshbo‘ron qildi,  o‘ldirdi. Futbol stadionlarida futbol o‘ynagan afg‘on ayollarini  birma-bir qatl qildi. Futbol maydoni qonli maydonga aylandi. Eʼtibor bering, Afg‘oniston ayollari hanuzgacha shafqatsizlikdan qochib, o‘zlariga o‘t qo‘yayotgan va nikoh yoshiga yetmagan qizlar uzatilayotgan mamlakat sifatida qolmoqda.

 Ayollar futbol jamoasi 20 yil deganda shakllangan edi. Lekin men shahid ketgan qizlar uchun  koptok tepishni davom ettiraman.  Meni hech narsa to‘xtatolmaydi.

 

Shabnam Xon Davron, jurnalist:

–Toliblar televideniyeni egallab olgach, ishimni davom ettirishimga qarshilik ko‘rsatdi. O‘shanda atigi ikki-uch kun oldin ular ayollarning ishlashiga  ruxsat berilishini aytgan edi. Ammo  aytgan so‘zi ustidan chiqmadi.  Qo‘limda ruxsatnomam  bo‘lsa-da, ofisga kiritmadi, eshik oldidan qaytarib yubordi. Hayotimiz xavf ostida. Jangarilar afg‘on ayollariga nisbatan zo‘ravonlikni  davom ettirmoqda.

 

Mina Asadi, teekvando sport ustasi:

—Shaxsan men tolibonlarga umuman ishonmayman,  ular haqiqiy ekstremist.

Ular xonadonlarga kirib davlat xizmatida  ishlaganlar va sportchilarni surishtirib yuribdi. Ular bizga o‘zlarini do‘st qilib ko‘rsatmoqda, ammo unday emas, ular hech kimga do‘st bo‘lmaydi. Avval qanday bo‘lsa shundayligicha qolgan, o‘zgarmagan. O‘zgardik, degan gaplariga ishonmaslik kerak.

 

Kristal Bayat, Kobulda toliblarga qarshi bosh ko‘targan faol ayollardan biri:

—Afg‘onistondagi ayollar huquqlarini himoya qilishni talab qilib namoyishlar o‘tkazdik. Ammo aksariyat  ayollar qo‘rqib bizga qo‘shilmadi. Biz ular bilan qonimiz to‘kilguncha  kurashamiz. Ular qarshisida hech qachon bosh egmaymiz.  Axir afg‘on ayollarining ham boshqa ayollar kabi  kelajagi porloq bo‘lishi, o‘qish va ishlashi uchun haq-huquqi bor. Toliblar menga  taslim bo‘lishimni aytdi, ammo men ularga bosh egmadim. Men barcha afg‘on ayollariga   shunday demoqchiman: o‘zingizni qo‘lga oling!

Munojat Valiyeva

Patriot tizimlari va raketa qurilmalari nishonda: Eron Quvaytdagi AQSh harbiy bazasiga hujum qildi

Patriot tizimlari va raketa qurilmalari nishonda: Eron Quvaytdagi AQSh harbiy bazasiga hujum qildi

Avvalroq Bahrayndagi AQSh radar stansiyasi ham nishonga olingan edi.

72 soatlik kuzatuv natijasi: Turkiyada o‘zbekistonlik fuqaro qurolli hujumda gumonlanmoqda

72 soatlik kuzatuv natijasi: Turkiyada o‘zbekistonlik fuqaro qurolli hujumda gumonlanmoqda

Niqob taqqan ikki kishi haydovchidan mashinadan tushishni talab qilgan. U bo‘ysunmay, qochishga uringanida avtomobilga qarata o‘q uzilgan.

AQSh razvedkasi Eron tahdidi haqida xabar berdi, Tehron esa buni inkor qildi

AQSh razvedkasi Eron tahdidi haqida xabar berdi, Tehron esa buni inkor qildi

Eron AQSh OAVlaridagi xabarlar keyingi tajovuz uchun bahona yaratishga qaratilganini bildirgan.

Buyuk Britaniya Isroil kompaniyalariga sanksiya kiritdi: ular G‘arbiy Sohilda noqonuniy uy qurgan

Buyuk Britaniya Isroil kompaniyalariga sanksiya kiritdi: ular G‘arbiy Sohilda noqonuniy uy qurgan

Sanksiyalar G‘azoga insonparvarlik yordami yetkazilishiga to‘sqinlik qilayotgan ko‘chmanchilar guruhiga nisbatan ham qo‘llanilgan.

Zaporijjya viloyatidagi hujum oqibatlari: 72 kishi halok bo‘lgan

Zaporijjya viloyatidagi hujum oqibatlari: 72 kishi halok bo‘lgan

Ukrainaning Zaporijjya viloyatidagi Kamishevaxa qishlog'ida 2-noyabr kuni Rossiya hujumidan keyin boshlangan qidiruv-qutqaruv ishlari yakunlandi.

Ayollarni davolagan shifokorlar qamoq bilan qo‘rqitilmoqda: Afg‘onistondagi yangi to‘siqlar

Ayollarni davolagan shifokorlar qamoq bilan qo‘rqitilmoqda: Afg‘onistondagi yangi to‘siqlar

Bu holat shoshilinch tibbiy yordamga ham ta’sir qilmoqda.

O‘zbek ayvonlari Vashingtonda: Shavkat Mirziyoyevning Trampga sovg‘asi o‘rnatildi

O‘zbek ayvonlari Vashingtonda: Shavkat Mirziyoyevning Trampga sovg‘asi o‘rnatildi

Ayvonlar O‘zbekiston Prezidenti tomonidan AQSH mustaqilligining 250 yilligi munosabati bilan Donald Tramp va Amerika xalqiga sovg‘a qilingan edi.

Xabib Nurmagomedov BAAda muzokara o‘tkazdi: ukasi va uning jamoadoshlari ozod qilindi

Xabib Nurmagomedov BAAda muzokara o‘tkazdi: ukasi va uning jamoadoshlari ozod qilindi

Usmon Nurmagomedov BAAda sobiq UFC chempioni Merab Dvalishvili bilan bog‘liq mushtlashuv ishi bo‘yicha olti oyga qamoq jazosiga hukm qilingan edi.