Mbappe «Real Madrid» bilan kelishib olgan...mi?
Messi “PSJ” safiga qo‘shilganidan so‘ng oradan ko‘p o‘tmay klub hujumchisi Kilian Mbappe «Real Madrid»ga o‘tishi haqida xabar tarqaldi. Biroq “PSJ” va “Real” klublari bu borada hali kelishuvga erisha olmadi.
“Real” Mbappe uchun 170 million yevro to‘lamoqchi ekani maʼlum. Biroq Parij klubi bu taklifga rozilik bermagan. Shu bois «Real Madrid» Kilian Mbappe uchun “PSJ” klubiga yangi taklif tayyorlayotgani aytilmoqda. Parijliklar “Real”dan 215 million yevro so‘ramoqda. Bundan avval ular futbolchini 220 million yevroga baholayotgan edi. Shu tariqa ikki klub Mbappe borasida haligacha kelishuvga erisha olgani yo‘q.
Fransiyalik hujumchi jamoadan ketishni xohlayayotgan bo‘lsa-da, lekin klub madridliklar taklifiga rozilik bermayapti. «Real Madrid» rahbariyati esa futbolchining o‘zi bilan shartnoma borasida kelishuvga erishgan. Xabarlarga ko‘ra, «Real Madrid» Kilian bilan 2027 yilga qadar shartnoma tuzishga kelishgan. Futbolchi yangi jamoa safida 35 million yevro maosh olishi aytilmoqda. Hozirda «PSJ» futbolchini 180 million yevro evaziga qo‘yib yuborishi mumkinligi haqida maʼlumot bor.
Eslatib o‘tamiz, 29 avgust kuni Kilian Mbappe Fransiya chempionatining 4 -turidan o‘rin olgan «Reyms»ga qarshi o‘yinda raqib darvozasiga ikkita to‘p kiritishga muvaffaq bo‘ldi.
Avvalroq Kilian Mbappe o‘zini yulduz hisoblashi haqida xabar bergan edik.
Jamshid Amirov
