“Katta yettilik” tashqi ishlar vazirlari Afg‘oniston masalasini muhokama qiladi
Yaponiya Tashqi ishlar aziri Tosimitsu Motegining maʼlum qilishicha, 8-sentyabr kuni “katta yettilik” davlatlari uchrashuvi bo‘lib o‘tadi.
Unda G-7 tashqi ishlar vazirlari uchrashadi. Motegi shuningdek, bu tadbirga Rossiya va Xitoy TIV rahbarlari ham taklif etilganini aytib o‘tgan. “Katta yettilik TIV darajasidagi uchrashuvi keyinga haftada o‘tkaziladi. Unda Rossiya va Xitoy vakillari ham ishtirok etadi”, degan u.
Uchrashuvning asosiy mavzusi Afg‘onistondagi vaziyat bo‘ladi
.
Avgust oyida Afg‘onistonda vaziyat keskinlashdi. 15-avgust kuni “Tolibon” tomonidan Kobul shahrining jangsiz egallanishi ortidan chet davlat fuqarolarini evakuatsiya qilish boshlandi. Afg‘onistondagi vaziyat bundan avval ham “katta yettilik” davlat rahbarlari tomonidan muhokama qilingan edi. Jumladan 24-avgust kuni G-7 yetakchilari Afg‘oniston masalasi, qochqinlar va “Tolibon” bilan aloqalar yuzasidan fikr almashgan.
