“Толибон” билан алоқаларнинг “йўл харита”си ишлаб чиқилди

Унда Кобулдан эвакуация қилинаётганлар масаласида томонлар ҳаракатларини мувофиқлаштириш муҳокама қилинган.  20 йил давомида АҚШ ва НАТО қўшинлари билан ҳамкорлик қилган афғонларни олиб чиқиб кетиш муҳимлиги таъкидланди. “Катта еттилик”нинг АҚШдан бошқа аъзолари  ва ЕИ раҳбарлари Жо Байденни 31 августдан кейин ҳам эвакуацияни давом эттиришга чақирган. Байден ўз навбатида Вашингтон ҳарбий миссияси муддатини  узайтириши эҳтимоли борлигини маълум қилган. 
Жангарилар томонидан халқаро мажбуриятларнинг бажарилиши “Толибон” ҳокимияти тан олинишининг асосий шарти  эканлиги айтилган. Давлат раҳбарлари 31 августга қадар Кобулдан эвакуация хавфсизлигини таъминлаш  толибларнинг асосий мажбурияти эканлигини қайд қилган. “Еттилик” ҳаракатни 31 августдан кейин ҳам мамлакатни тарк этишни истаганларга тўсқинлик қилмасликка чақирди.  Шу билан бирга “Толибон” билан алоқаларнинг “йўл харита”си ишлаб чиқилган. 
НАТО бош котиби Йенс Столтенберг саммитда терроризмга қарши кураш масаласи марказий мавзу бўлганини маълум қилди. Сиёсатчининг айтишича, террорчи гуруҳлар Афғонистонда эркин ҳаракат қилишига йўл қўймаслик керак. 
Эслатиб ўтамиз, бундан аввал Афғонистон собиқ вице-президенти Амрулла Солиҳ “Толибон” диктатурасига қарши эканини маълум қилган эди.