Eron Shanhay hamkorlik tashkilotiga qo‘shiladi
Shanhay hamkorlik tashkilotining aʼzolari soni yana bittaga ko‘payadi. Bu haqda “Kommersantʼ” xabar bermoqda.
SHHTning 16-17 sentyabr kunlari Dushanbedagi sammitida Eronni tashkilotga qabul qilish jarayoni boshlanadi. Shundan keyin aʼzolar soni to‘qqiztaga yetadi. Lekin Tehron SHHTga to‘laqonli aʼzo bo‘lishi uchun maʼlum vaqt talab etiladi.
Eron 2005 yilda tashkilotga kuzatuvchi maqomida kirgan. 2008 yilda esa to‘laqonli aʼzo bo‘lish maqsadida ariza topshirgan. Ammo BMT xavfsizlik kengashi sanksiyalari tufayli u 2015 yilga qadar SHHT aʼzosi bo‘la olmagan. 2015 yilga kelib cheklovlar olib tashlangandan keyin ham baʼzi omillar tufayli tashkilotga kira olmagandi.
SHHT Markaziy Osiyo va Janubiy Osiyo mintaqasi mamlakatlari, Rossiya hamda Xitoyni birlashtirgan halqaro tashkilot. Unga 1996 yilda asos solingan. O‘zbekiston 2001 yilda aʼzo bo‘lgan.
Avvalroq O‘zbekiston Respublikasi Prezidenti Shavkat Mirziyoyev 8 sentyabr kuni Tojikiston Prezidenti Emomali Rahmon bilan telefon muloqotida yaqinlashayotgan SHHT sammitiga tayyorgarlik masalasini muhokama qildi.
Jahongir Qo‘ziyev
