Sulsher: «Yashirmayman, Ronaldu baʼzan asosiy tarkibda o‘ynamasligi mumkin»
«Manchester Yunayted» jamoasi murabbiyi Ole-Gunnar Sulsher Krishtianu Ronaldu haqida fikr bildirdi.
Uning aytishicha, 36 yoshli portugaliyalik baʼzan asosiy tarkibda o‘ynamasligi mumkin.
«Gap shundaki, Ronaldu o‘z ustida ko‘p ishlaydi. Uning tez orada yuqori formaga kirishi va klubga moslashib ketishiga ishonaman. Qolaversa, Krish jamoaga mavsum oldidan o‘tdi.
Jamoada hammaning birdek harakat qilishi muhim. U ham debyutida 90 daqiqa o‘ynadi va o‘z imkoniyatlaridan unumli foydalandi. Bizni seshanba kuni Chempionlar ligasi doirasida «Yang Boyz» bilan muhim uchrashuv kutib turibdi. Qarorlarimiz ham muhim ahamiyat kasb etadi va o‘ylashga majburmiz. Yashirmayman, “KriRo” baʼzida zahirada bo‘lishi mumkin. Chunki uni 36 yoshda ekanligini unutmasligimiz kerak.
Meson Grinvudga ham xuddi shunday munosabatda bo‘lamiz. Chunki u endi 19 yoshga to‘ldi. Men bu ikki o‘yinchiga ham imkoniyat yaratib berish uchun harakat qilishim kerak»,— deydi «Qizil iblislar» bosh murabbiyi.
Maʼlumot uchun: Ronaldu “qizillar” safidagi ikkinchi debyutida 90 daqiqa maydonda harakat qildi va ikki gol urib, o‘z nomiga dubl rasmiylashtirishga erishdi.
Eslatib o‘tamiz, bundan avval Massimiliano Allegrining Ronaldu haqidagi fikrlarini taqdim etgan edik.
Maqsadjon Obidjonov
