Olimpiada sovrindori davlat tomоnidan sovg‘a qilingan “BMW X3” mashinasini sotdi
Tokioda o‘tkazilgan Olimpia o‘yinlarida g‘olib bo‘lgan rossiyalik sportchilardan biri davlat tomonidan sovg‘a qilingan “BMW X3” rusumli avtomashinani sotgani maʼlum bo‘ldi.
Xabarda aytilishicha, mashina 5,1 million rublga xarid qilingan. Avtomobilni sotgan sportchining ismi oshkor qilinmagan.
Eslatib o‘tamiz, Rossiya Tokio Olimpiadasining oltin medal sovrindorlariga “BMW X5”, kumush va bronza medal sohiblariga esa “BMW X3” mashinalarini topshirgandi. Mazkur Olimpiadada rossiyalik sportchilar 20 ta oltin, 28 ta kumush va 23 ta bronza medalini qo‘lga kiritib, umumiy medallar ro‘yxatida beshinchi o‘rinni egalladi.
Jamshidbek Amirov
