Konor Makgregorning do‘sti AQSHda hibsga olindi. Nega?
Ikki vazn toifasida sobiq UFC chempioni Konor Makgregorning do‘sti Dillon Denisni AQSH politsiyasi hibsga oldi.
Xabarlarda uning nima uchun hibsga olingani haqida maʼlumot berilmagan. Biroq maʼlum bo‘lishicha, Denis hibsga olingan vaqtda politsiyaga qarshilik ko‘rsatgan.
Maʼlumot o‘rnida: 28 yoshli Dillon Denis aralash jang sanʼati bo‘yicha ikkita jang o‘tkazgan va ularning har ikkilasida ham g‘alaba qozongan. U 2019 yil iyun oyidan beri janglarda qatnashgani yo‘q. Denis 2020 yil yanvar oyida Bellator turnirida qatnashishi kerak edi. Biroq tizzasidan olgan jarohati tufayli jangda ishtirok etolmaydigan bo‘ldi. Shundan so‘ng sportchi 2020 yilning mart oyida operatsiya qilingan. U 2018 yil oktyabr oyida Makgregorning Habib Nurmagomedov bilan jangidan so‘ng ommaviy janjalning faol ishtirokchisi bo‘lgan.
Avvalroq, Menni Pakyao boksdagi faoliyatini yakunlagani haqida xabar berilgandi.
Jamshidbek Amirov
