Rossiyalik xakerlar Amerika kompaniyasidan 5,9 million dollar talab qildi
Rossiyalik xakerlardan iborat BlackMatter kiber guruhi Amerikaning yirik don va go‘sht yetkazib beruvchisi “New Cooperative”ga hujum qildi. Xakerlar oziq-ovqat kompaniyasidan 5,9 million dollar talab qilgan. Bu haqda “The Washington Post” o‘z manbalariga tayanib xabar bermoqda.
Xakerlar kompaniyaning kompyuterlarini blokirovka qilish uchun viruslardan foydalangan. Shuningdek, ular o‘g‘irlangan texnologiya maʼlumotlarini oshkor qilish bilan tahdid qildi. Pul 25 sentyabrgacha to‘lanishi kerak.
Nashrning qayd etishicha, “New Cooperative” baʼzi tizim va operatsiyalarni qayta tiklashga muvaffaq bo‘lgan. Biroq ehtiyot chorasi sifatida kompaniyaning kompyuter tarmoqlari uzilgan, bu uning ishini ancha murakkablashtiradi.
Gazetaning yozishicha, kompaniya vakillari xakerlar bilan muzokara o‘tkazishga uringan. Bu muzokaralar qanday yakunlangani to‘g‘risida maʼlumot yo‘q.
Nasiba To‘xtayeva
