Erdo‘g‘an: “Turkiya Afg‘onistonga inklyuziv hukumat tuzilgan taqdirdagina yordam beradi”
Erdo‘g‘an Turkiya qanday sharoitda Kobul aeroportini boshqarishini aytgan. Bu haqda u “CBS” telekanaliga bergan intervyusida maʼlum qilgan.
Erdo‘g‘anning so‘zlariga ko‘ra, Anqara hozircha Kobul aeroportini boshqarish yuzasidan toliblar bilan aniq kelishuvga erishmagan. Shu sababli, Turkiya aeroportni boshqarishda ishtirok etmayapti. “Bularning barchasi ehtimoliy kelishuvlarga bog‘liq. Sababi biz bir-birimizni o‘zaro tushuna olsak, maʼlum ijobiy qadamlarni ko‘ra olsakkina qandaydir ishni amalga oshira olamiz”, — degan Turkiya yetakchisi.
Shuningdek, Erdo‘g‘an Afg‘onistonda mavjud hukumat inklyuziv emasligiga eʼtibor qaratgan. Uning fikricha, hukumat barcha tomonlarni qamrab olmagan. “Bu holat davom etsa, biz Afg‘onistonda uzoq muddat qola olmaymiz. Ammo, aksincha, inklyuziv hukumat tuzilsa, yordam berishga tayyormiz”, — deb qayd etgan u.
“Tolibon” 7-sentabr kuni yangi hukumat tarkibini eʼlon qilgandi. Uning tarkibi to‘liq toliblardan iborat.
Аvvalroq Pokiston bosh vaziri Imron Xon dunyo hamjamiyatini Afg‘onistonga yordam berishga chaqirgani hamda Panjsher qarshilik kuchlari Qori Fasihuddinga suiqasd uyushtirgani haqida xabar berilhandi.
Jahongir Qo'ziyev
