Filippe Koutino premyer-ligaga qaytishi mumkin
“Barselona” klubining hujumkor yarim himoyachisi Filippe Koutino APLga qaytishi mumkin. Hozirda 29 yoshli futbolchiga “Arsenal” va “Tottenxem” jamoalari qiziqish bildirmoqda.
“Barselona” Koutinoning oylik maoshini tushirish uchun har tomonlama harakat qilmoqda. Agar bu reja amalga oshmaydigan bo‘lsa, undan boshqacha yo‘l bilan qutulmoqchi. Qishki transferlar oynasida “Arsenal” va “Tottenxem” klublari xo‘jayinlari braziliyalik futbolchini keyinchalik sotib olish sharti bilan ijaraga olmoqchi. Xabarlarga ko‘ra, kataloniyaliklar Koutinoni ijaraga bergan taqdirda ham futbolchi maoshining yarmini to‘lashda davom etadi.
Ma'lumot o'rnida: braziliyalikning “Barselona”dagi haftalik maoshi 200 ming funtni tashkil etadi.
Avvalroq, “Manchester Siti” Kilian Mbappeni istalgan narxda sotib olmoqchi ekani haqida xabar berilgandi.
Jamshidbek Amirov
