Namanganda tibbiyotni yaxshilashga qaratilgan rejalar e‘lon qilindi
O‘zLiDep partiyasidan Prezidentlikka nomzod Shavkat Miromonovich Miziyoyev Namangan shahridagi saylovchilar bilan bo‘lib o‘tgan uchrashuvda tibbiyotni rivojlantirish uchun tuzilgan rejalar haqida gapirib o‘tdi.
- Kelgusi ikki yilda 17 ta mahallada oilaviy shifokorlik punktlari hamda Namangan shahrida 5 ta oilaviy poliklinika faoliyati yo‘lga qo‘yiladi.
- Qon bosimi va onkologik kasalliklarini davolash uchun, aholiga eng zarur dori vositalari bepul yetkaziladi.
- Buyrak kasalliklarini erta aniqlash maqsadida, barcha birlamchi tibbiyot muassasalari ekspress-test vositalari bilan taʼminlanadi.
- Onkologik kasalliklarni erta aniqlash uchun, 45 yoshdan oshgan 210 ming ayol har yili skrining tekshiruvidan o‘tkaziladi.
- Uychi, Yangiqo‘rg‘on va Chustda 3 ta tumanlararo perinatal markazlar tashkil qilinadi.
- Uchqo‘rg‘on va Popda 2 ta o‘tkir qon-tomir kasalliklari markazlari faoliyati yo‘lga qo‘yiladi. Ularda gemodializ xizmati ham ko‘rsatiladi.
Shuningdek, har yili 430 ming nafar bolalar va homilador ayollar vitaminlar bilan bepul taʼminlanadi.
- Kosonsoy, Norin, Pop, Uchqo‘rg‘on, Chust, To‘raqo‘rg‘on, Mingbuloq, Yangiqo‘rg‘on va Chortoqda urologiya va endokrinologiya yo‘nalishlari bo‘yicha; Uchqo‘rg‘on, Norin, Chortoq, To‘raqo‘rg‘on, Namangan, Mingbuloq, Yangiqo‘rg‘on, Kosonsoyda nevrologiya va endokrinologiya yo‘nalishlari bo‘yicha Respublika ixtisoslashgan markazlar viloyat filiallarining tumanlararo bo‘limlari tashkil qilinadi.
- Yangiqo‘rg‘on, Davlatobod tumanlari tibbiyot birlashmalari laparoskopik uskunalar bilan taʼminlanib, kaminvaziv operatsiyalar o‘tkazish yo‘lga qo‘yiladi.
- Aholiga yuqori texnologik tibbiy xizmatlar ko‘rsatish ko‘lami kengaytiriladi.
- 350 nafar tug‘ma yurak nuqsoni bor bolalar yuqori texnologik operatsiyaga muhtoj. Ularni bepul davolash yo‘lga qo‘yilib, bunga 14 milliard so‘m yo‘naltiriladi.
-Yuqori texnologik, murakkab jarrohlik operatsiyalar ko‘lamini kengaytirish uchun Kardiologiya markazining Namangan filiali 9 million yevrolik tibbiy asbob-uskunalar bilan jihozlanadi.
- Travmatologiya va ortopediya markazining Namangan filialiga yangi bino ajratiladi va moddiy texnik-bazasini yaxshilashga 21 milliard so‘m yo‘naltiriladi.
- Namangan shahrida xalqaro universitet va zamonaviy klinikadan iborat Tibbiyot klasteri tashkil etiladi.
Avvalroq, Prezidentlikka nomzod Shavkat Mirziyoyev Namanganda birinchi navbatda hal etilishi lozim bo‘lgan masalalarni sanab o`tganini xabar qilgangan edik.
Maftuna Rejabboyeva tayyorladi
