O‘zbekistonda havo harorati keskin pasayishi kutilmoqda
30-sentabrda O‘zbekistonning shimoliy hududlariga, 1-3 oktabrda respublikaning qolgan hududlariga Volgabo‘yi orqali Rossiya Yevropa qismining (Moskva viloyati) markaziy hududlari ustida shakllangan sovuq va nam havo massalari kirib keladi. Bu haqda “O‘zgidromet” xabar bermoqda.
Maʼlum qilinishicha, 1-3 oktabrda havo harorati kechalari asta-sekin 3-8 daraja iliqqacha, kunduz kunlari 12-17 daraja iliqqacha, shimolda kechalari 0-5 daraja iliqqacha, kunduz kunlari 10-15 daraja iliqqacha pasayadi.
1-2 oktabrda respublika bo‘yicha baʼzi joylarda, 3 oktyabrda Farg‘ona vodiysi viloyatlarida yomg‘ir yog‘adi, 2-3 oktyabrda tog‘oldi va tog‘li hududlarda baʼzi joylarda kuchli bo‘lishi mumkin, baland tog‘larda yog‘ingarchilik (yomg‘ir qorga aylanadi) bo‘ladi.
30-sentabrda va 1-2 oktabrda respublika bo‘yicha baʼzi joylarda shamol 17-22 m/s gacha kuchayishi kutilmoqda.
