AQSH Afg‘oniston atrofidagi davlatlar bilan muhim masalada muzokara olib bormoqda
AQSH Afg‘oniston atrofidagi harbiy bazalar bo‘yicha muzokaralar olib bormoqda. Ularning orasida Rossiya bazalari ham bor.
“Politico” nashrining AQSH senatorlariga tayanib bergan maʼlumotlariga ko‘ra, chorshanba kuni Pentagon rahbariyati Kongressga shu mazmunda hisobot bergan. “Pentagon oliy rahbariyati Kongressga yopiq eshiklar ortida Tojikiston, O‘zbekiston va Qirg‘iziston bilan muzokaralar olib borilayotganini maʼlum qildi”, – deyiladi xabarda.
Gap Afg‘oniston bilan chegaradosh davlatlar haqida ketmoqda. Bu davlatlarga antiterror operatsiyalar o‘tkazilishi uchun zarur vositalar joylashtiriladi. “Bu Rossiyaning mintaqadagi bazalari ham bo‘lishi mumkin”, – deb qo‘shimcha qilinadi xabarda.
Senatdagi harbiylar hisobotining ochiq qismida AQSH mudofaa vaziri Lloyd Ostin Rossiya iyun oyidayoq yordam taklif etganini maʼlum qildi.
Bundan avval AQSH va Rossiya generallari Moskva bazalaridan foydalanishni muhokama qilgani xabar qilingandi. Shuningdek, AQSH nima uchun Afg‘onistonni tark etgani ochiqlangandi.
Jahongir Qo'ziyev
