La Liganing ikki klubi bosh murabbiysiz qoldi
Ispaniya chempionatining ikki klubi bir kunda jamoa bosh murabbiylarini isteʼfoga chiqardi.
Dastlab “Levante” klubi jamoa bosh murabbiyi Pako Lopes bilan kelishuvni bekor qilganini eʼlon qildi. Lopes qo‘l ostida “Levante” o‘tgan 8 o‘yinda birorta ham g‘alabani qo‘lga kirita olmadi va so‘nggi uchta o‘yinda raqib darvozasiga bitta ham to‘p kiritolmay, mag‘lubiyatga uchradi. Klub hozirda turnir jadvalida 4 ochko bilan 18-o‘rinni egallab turibdi. Pako 2018-yildan buyon jamoani boshqarib kelayotgan edi.
“Xetafe” klubi ham jamoa bosh murabbiyi Michel Gonsalesni isteʼfoga chiqardi. Klubda 4 oydan buyon ishlayotgan ispaniyalik mutaxassis La Liga doirasida o‘tgan 8 turda jamoasi bilan 7 ta mag‘lubiyat va bitta durang qayd etdi. “Xetafe” turnir jadvalida so‘nggi o‘rinda bormoqda.
Xabarlarga ko‘ra, “Xetafe” klubini jamoaning sobiq murabbiyi Kike Flores boshqarishi kutilmoqda.
Avvalroq Goreska “Bavariya” bilan shartnomasini uzaytirgani va Anchelotti David Luizni “Real”ga taklif qilgani haqida xabar berilgandi.
Jamshidbek Amirov
