Shavkat Mirziyoyev аfg‘on xalqiga zarur insonparvarlik yordamini ko‘rsatishni davom ettirishga tayyorligini aytdi
Maʼlumki, Shavkat Mirziyoyev 5 oktyabr kuni Turkmaniston prezidenti Gurbanguli Berdimuhamedov ishtirokida rasmiy uchrashuv bo‘lib o‘tmoqda. Muzokaralarda Afg‘oniston xalqiga zarur insonparvarlik yordamini ko‘rsatishni davom ettirishga tayyorligini aytdi.
Bu haqda Prezident matbuot xizmati maʼlum qildi.
“Afg‘on xalqiga zarur insonparvarlik yordamini ko‘rsatishni davom ettirishga, ushbu mamlakatda muhim ijtimoiy-iqtisodiy va infratuzilmaviy loyihalarni amalga oshirishda turkmanistonlik sheriklar bilan faol hamkorlik qilishga tayyormiz”, — dedi Prezident Shavkat Mirziyoyev.
Uchrashuvda Afg‘onistonda tinchlik va barqarorlik butun Markaziy Osiyo mintaqasida taraqqiyot garovi ekani taʼkidlangan.
Shuningdek, prezidentlar xalqaro maydonda, shu jumladan, BMT, MDH, Yevropada xavfsizlik va hamkorlik tashkiloti, Iqtisodiy hamkorlik tashkiloti, Islom hamkorlik tashkiloti, Turkiy tilli davlatlar hamkorligi tashkiloti va boshqa xalqaro tuzilmalar doirasida yaqin muloqotni davom ettirish hamda tashabbuslarni birgalikda ilgari surishga ham kelishib oldi.
Avvalroq Shavkat Mirziyoyev va Gurbanguli Berdimuhamedovning tor doiradagi muzokaralari boshlangani va uchrashuv davomida 23 ta hujjat imzolangani haqida xabar berilgandi.
Cho‘lponoy Ahmedova
