“Marsel” muxlislari yil oxiriga qadar jamoasining safar o‘yinlarida qatnashmaydigan bo‘ldi
Futbol bo‘yicha Fransiya intizom qo‘mitasi yig‘ilishida mamlakat chempionatining 7-turidan o‘rin olgan “Anje” – “Marsel” uchrashuvi to‘g‘risida qaror qabul qilindi.
Xabarlarga ko‘ra, “Anje” muxlislari uchun chempionatning ikki o‘yinida ishtirok etishi man etildi. “Marsel” muxlislariga esa 2021 yil oxirigacha jamoaning safar o‘yinlariga tashrif buyurishi taqiqlandi. Shuningdek, ushbu klubdan bir ochko shartli ravishda olib tashlandi.
Eslatib o‘tamiz, “Anje” – “Marsel” o‘yinidan so‘ng Marsel muxlislari maydonga kirib, “Anje” muxlislari oldiga yugurdi. Shundan so‘ng ikkala jamoa muxlislari maydonga tushganidan so‘ng, katta mushtlashuv boshlangan.
Avvalroq, “PSJ” Messining maoshi haqidagi mish-mishlarni rad etgani va Messi va Fransiya prezidenti Mbappeni Parijda qolishini istayotgani haqida xabar berilgandi.
Jamshidbek Amirov
