“Neftchi” uch yillik tanaffusdan so‘ng yana superligaga qaytdi
Farg‘ona viloyatining “Neftchi” jamoasi Pro-liga 20-turi doirasida Oybek Qilichevning dubli, Akmal Shorahmedov va Marko Obradovichning gollari hisobiga “Nurafshon” jamoasini mag‘lub etdi. Mehmonlar yo‘llagan yagona gol Sanʼat Shixov nomiga yozildi.
Ushbu natijadan so‘ng Ilhom Mo‘minjonov murаbbiyligidagi “Neftchi” ikki yillik tanaffusdan keyin yana superligaga qaytdi.
Farg‘onaliklar ushbu g‘alaba bilan ochkolari sonini 40 taga yetkazib, muddatidan avval yo‘llanmaga ega bo‘ldi. Qolgan 4 ta o‘yindagi natija qanday bo‘lishidan qatʼiy nazar, klub superligaga chiqish masalasini hal qildi.
Maʼlumot uchun: Farg‘ona klubi 2018-yilgi mavsumdan keyin superligani tark etgandi.
Jamshidbek Amirov
