Karim Benzema: "Sherif"ga yutqazganimizni tezroq unutishimiz kerak
"Real Madrid" klubi hujumchisi Karim Benzema Yevropa chempionlar ligasi 2-turida "Sherif” jamoasidan qabul qilib olingan kutilmagan mag‘lubiyat tezroq unutish kerakligi haqida fikr bildirdi:
Bu mag‘lubiyatni tezroq unutishimiz shart. O‘tgan o‘yin ortda qoldi. Mavsum esa endi boshlandi. Mazkur natijaga "Sherif" o‘z mehnati evaziga erishdi. O‘yinda ular bor yo‘g‘i ikkita vaziyat yaratgan holda, 2 ta gol urishdi. Biz esa 30 ta xavfli vaziyat yaratdik. Aynan ushbu o‘yin hech bir raqibga nisbatan yengillik bilan qaramaslik shartligini isbotladi.
Maʼlumot uchun, "Sherif" Yevropa chempionlar ligasi 2-turidan keyin guruhda 6 ochko bilan 1-o‘rinda borayotgan bo‘lsa, “Real” 3 ochko bilan 2-o‘rindan joy egallagan.
Avvalroq mavzuga aloqador bo‘lgan Karim Benzemaning “Oltin to‘p” orzusi haqida maʼlumot bergan edik.
Jamshid Amirov
