Rojer Federer dunyoning eng kuchli o‘nta tennischisi ro‘yxatini tark etdi
Shvetsariyalik tennischi Rojer Federer so‘nggi turnirlardagi muvaffaqiyatsizlikdan so‘ng ATP reytingining birinchi o‘ntaligidan chiqib ketdi.
Bu ko‘rsatkich uning faoliyatida to‘rtinchi bor kuzatilmoqda. Shvetsariyalik tennischi ilgari ham, yaʼni 2002-yilning iyul va avgust oylarida, shuningdek, 2016-yil noyabr oyida kuchli o‘nlikdan joy ololmagandi. Federer “Katta Dubulg‘a” turkumidagi musobaqalarning 20 karra g‘olibi hisoblanadi.
U bugungi kungacha “Uimbldon” musobaqasida sakkiz bor, Avstraliya ochiq chempionatida olti bor, AQSH ochiq chempionati esa besh marta g‘alaba qozongan.
Eslatib o‘tamiz, Federer hozirda ushbu reytingda 11-o‘rinni egallab turibdi.
Avvalroq Aleksandr Usik Ilon Maskka sovg‘a bergani va Dastin Porye tanasidagi tatuirovkalarga izoh bergani haqida xabar berilgandi.
Jamshidbek Amirov
