Xitoy olimlari Uxan shahrida minglab qon namunalarini o‘rganadi
Bundan ko‘zlangan asosiy maqsad — koronavirus kelib chiqishiga doir aniq xulosaga kelishdan iborat.
“Xitoy koronavirus kelib chiqishini aniqlash maqsadida Uxan shahrida saqlanayotgan 10 minglab qon nammunalarini o‘rganishga tayyorlanmoqda”, – deyiladi CNN telekanali xabarida.
Xabarda аytilishicha, Uxan shahrida 200 mingdan ortiq idishda qon namunalari saqlanmoqda. Ularning orasida 2019-yilning so‘nggi oylariga tegishli tahlillar ham bor. JSST ekspertlari bu maʼlumotlar koronavirus kelib chiqishini aniqlashda muhim manba bo‘lishini taʼkidlamoqda.
CNN ushbu qon namunalari saqlanish muddati ikki yil ekanini va Xitoy olimlari tez orada uni o‘rganishga kirishishini maʼlum qilgan.
Bundan avval Uxanda 2019-yil yozidayoq koronavirus tarqab ketgan bo‘lishi mumkinligi hamda AQSH razvedkasi COVID-19 bo‘yicha maxsus hisobot tayyorlagani xabar qilingandi.
Jahongir Qo‘ziyev
