JSST koronavirusning kelib chiqishini o‘rganish bo‘yicha 26 nafar olimdan iborat guruh tuzdi
Jahon sog‘liqni saqlash tashkiloti yangi viruslarni o‘rganadigan va bo‘lajak pandemiyaning oldini olish bo‘yicha ish olib boradigan 26 nafar olimdan iborat yangi guruh ro‘yxatini eʼlon qildi. Guruh koronavirusning kelib chiqishini ham o‘rganadi. Bu haqda BBC xabar berdi.
Jamoa Uxandagi bozorlarda virus hayvondan odamga yuqqan-yuqmagani yoki baxtsiz hodisa natijasida laboratoriyadan tashqariga chiqib ketganini bevosita o‘rganadi.
JSST tashkil etilgan guruh koronavirusning kelib chiqishini aniqlash uchun "oxirgi imkoniyatimiz" bo‘lishi mumkin deb taʼkidladi.
Gebreyesusning aytishicha, "yangi patogenlar sabablarini o‘rganish" kelajakda viruslarning avj olishining oldini olish uchun kerak".
COVID-19 birinchi marta 2019 yilning oxirida Xitoyning Uxan shahrida qayd etilgan va keyin butun dunyoga yoyila boshlagan. Bir necha oy o‘tgach, 2020 yil 11 martda Jahon sog‘liqni saqlash tashkiloti koronavirus tarqalishini pandemiya deb taʼriflashga qaror qildi.
Bundan avval Xitoy olimlari Uxan shahrida minglab qon namunalarini o‘rgana boshlagani habar qilingan edi.
Nasiba To‘xtayeva
