Qoidabuzar avtobus jarima maydonchasiga joylashtirildi
14-oktabr kuni soat 11:30 larda Samarqand shahrining Amir Temur ko‘chasida “Isuzu” rusumli yo‘lovchi tashuvchi avtobus transport vositasi qoidalarga zid ravishda qarama-qarshi yo‘nalishda harakatlangan.
Holat yuzasidan viloyat IIB YHXB tomonidan tekshiruv ishlari olib borildi. Surishtiruv jarayonida avtobus haydovchisi aniqlanib, tekshirilganda, u avtobusni tegishli hujjatlarsiz boshqarib yurganligi, shuningdek, transport vositasiga qo‘shimcha jihoz (ovoz kuchaytirgich) o‘rnatganligi aniqlandi.
Holat tegishli tartibda rasmiylashtirilib, transport vositasi jarima maydonchasiga joylashtirildi.
Avvalroq, Toshkentdan “Tashmore”ga alohida yo‘lakda harakatlanuvchi tezyurar avtobuslar yo‘lga qo‘yilishi va avtobus haydovchisi boshqaruvni yo‘qotib svetafor va uyga borib urilgani haqida xabar bergandik.
