Тошкентдан "Ташморe"гача алоҳида йўлакда ҳаракатланувчи тезюрар автобуслар йўлга қўйилади
Тошкент вилояти ҳокими Даврон Ҳидоятов "Тошкент вилоятида жамоат транспорти (кейинги ўринларда BRT деб аталади) харакатини ҳалқаро тажрибаларни кенг қўллаган ҳолда янада ривожлантириш чора-тадбирлари тўғрисида"ги қарорни имзолади.
Ҳужжатда қайд этилишича, Architects Engineers Planners Advisors компанияси билан Тошкент (Бектемир тумани)–Нурафшон–Тошкент денгизи (Туябўғиз сув омбори) йўналиши бўйича тезюрар автобус транзити қурилишининг техник-иқтисодий асосини ишлаб чиқиш тўғрисида шартнома имзоланган.
Мазкур қарор Ўзбекистон Президенти Шавкат Мирзиёевнинг март ойида вилоятга ташрифи чоғида берилган кўрсатмалар, шунингдек, Президент Администрациясининг март ва июнь ойларида берган кўрсатмаларига мувофиқ қабул қилинган.
Лойиҳанинг концепцияси аллақачон ишлаб чиқилган Техник-иқтисодий асосини ишлаб чиқиш учун вилоят бюджетидан 6,9 миллиард сўм ажратиш режалаштирилган.
Агар лойиҳа ишга тушса, бу Ўзбекистондаги биринчи BRТ линияси бўлади. 2021 йилнинг ноябрь ойида Президентга Тошкентда еттита BRТ линиясини ишга тушириш режалари тақдим этилган, уларнинг тўрттаси Ўзбекистон мустақиллигининг 30 йиллиги арафасида, яъни 2021 йил сентябригача очилиши керак эди. Мазкур режаларнинг қайси босқичда экани номаълум.
Аввалроқ “Янги Ўзбекистон боғи”га автобус қатнови йўлга қўйилиши ҳамда Ўзбекистонда ишлаб чиқарилган автобуслар Қирғизистонга етказилиши ҳақида хабар берилганди.
