Eldor Shomurodov Rimda bo‘lib o‘tgan xayriya tashabbusida ishtirok etdi
O‘zbekiston futbol terma jamoasi va Italiyaning “Roma” klubi hujumchisi Eldor Shomurodov Rimdagi bolalar shifoxonasiga keldi.
O‘zbekistonlik hujumchi u yerda "Roma Cares" xayriya tashabbusi doirasida bemorlar bilan uchrashdi. O‘sha kuni Italiyada o‘yinchoqlar kuni nishonlangani sababli Shomurodov ham quruq qo‘l bilan bormadi. U bemorlarga o‘yinchoqlar va gadjetlar sovg‘a qildi. Bolalar Shomaga keyingi o‘yinlarda omad tiladi.
Eslatib o‘tamiz, Eldor Shomurodov Italiya A Seriyasida 6 ta o‘yinda maydonga tushib, 2 ta golga hammualliflik qildi.
Avvalroq Shomurodov “Roma” bilan 5 yillik shartnoma imzolagani so‘ngra futbolchi ishtirokida matbuot anjumani o‘tkazilgani hamda futbolchida psixologik muammolar bo‘lishi mumkinligi haqida xabar berilgandi.
Jamshid Amirov
