Fransiyada yana bir vaksina sinovdan muvaffaqiyatli o‘tdi
Fransiyaning Valneva SE biotexnologik kompaniyasi yangi inaktivatsiyalangan COVID-19 vaksinasi sinovdan muvaffaqiyatli o‘tganini eʼlon qildi. Bu haqda kompaniya sayti xabar bermoqda.
Qayd etilishicha, Buyuk Britaniyada o‘tkazilgan klinik sinovlarning uchinchi bosqichida vaksina “AstraZeneca” bilan taqqoslangan va u barcha asosiy ko‘rsatkichlar bo‘yicha ingliz preparatidan oshib ketgan.
4 mingdan ortiq odam qatnashgan sinovlar natijasi shuni ko‘rsatdiki, vaksinaning ikkinchi dozasidan ikki hafta o‘tgach, neytrallashtiruvchi antikorlarning serokonversiya darajasi 95 foizdan oshadi.
"Valneva SE" endi o‘z mahsulotidan foydalanish uchun Yevropa Ittifoqi va Buyuk Britaniya regulyatorlaridan ruxsat so‘rashni rejalashtirmoqda.
Bundan avval “Pifzer” bolalarni emlash uchun litsenziya so‘rab Yevropa dori vositalari agentligiga murojaat qilgani to‘g‘risida xabar qilingan edi.
Nasiba To‘xtayeva
