Toshkentda “Lacetti” va avtobus ishtirokida YTH yuz berdi

 

Maʼlum qilinishicha, joriy yilning 18-oktabr kuni soat 06:30 larda Toshkent shahrida "4-Avtobus saroyi" haydovchisi K.F. “Mersedes-Bens” rusumli avtobusni 122-yo‘nalishda Choshtepa ko‘chasi bo‘ylab boshqarib borayotgan vaqtida, qayrilib olish jarayonida “Lacetti” rusumli yengil avtomobil avtobusning orqa qismiga kelib urilgan.

 

Dastlabki maʼlumotlarga ko‘ra, “Lacetti” haydovchisi boshqaruv vaqtida uxlab qolgan. Shu sababli, u boshqaruvni yo‘qotib, avtobusga urilgani aytilmoqda. Oqibatda, haydovchi tan jarohati olgan va shifoxonaga yotqizilgan.

 

Mazkur yo‘l-transport hodisasi o‘rnatilgan tartibda Davlat yo‘l harakati xavfsizligi xizmati inspektorlari tomonidan rasmiylashtirilgan. 

 

Hozirda “Toshshahartransxizmat” AJ mutasaddi xodimlari tomonidan xizmat surishtiruvi o‘tkazilmoqda.  

 

Avvalroq Mirzo Ulug‘bek tumanida 5 ta avtomobil ishtirokida YTH sodir bo‘lgani, Toshkentda yuz bergan avtohalokatda 10-sinf o‘quvchisi vafot etgani, Surxondaryoda baxtsiz hodisa oqibatida “Matiz” ag‘darilib ketgani hamda Namanganda yuk avtomobillari ishtirokidagi YTH oqibatida bir kishi vafot etgani haqida xabar berilgandi.


                                                                                                                                                                                        Shirin Xolmatova