"Yangi O‘zbekiston" kitob albomining taqdimoti bo‘lib o‘tdi

 

Mazkur kitob-albom turli vazirlik va idoralar mutaxassislari, fotomuxbirlar hamda AOKA masʼul xodimlaridan iborat ijodiy jamoa tomonidan nashrga tayyorlandi.

 

Ushbu  kitob-albomda istiqlol yillarida, ayniqsa, keyingi besh yilda yurtimizda yangi davlat va jamiyat qurish, хalqimiz qalbidan chuqur joy olgan Yangi O‘zbekiston g‘oyasini amalga oshirish yo‘lida olib borilayotgan ulkan ishlar haqida atroflicha hikoya qilinadi.

 

Yangi O‘zbekistonda ikkinchi jahon urushi g‘alabasi bilan bog‘liq muqaddas xotirani abadiylashtirish borasida ulkan ishlar amalga oshirilmoqda. Shonli g‘alabaning 76 yilligi munosabati  bilan “O‘zbekiston” nashriyotida “O‘zbekiston  ikkinchi  jahon urushi davrida“ nomli kitob-albomi  tayyorlanib, o‘zbek va rus tillarida chop etildi.

 

— Ushbu kitob-albom 2020-yil  nashr qilingan “O‘zbekiston xalqining  fashizm  ustidan  qozonilgan  g‘alabaga  qo‘shgan hissasi”  nomli kitob- albomining   mantiqiy davomi bo‘lib, unda yangi bunyod  etilgan  “G‘alaba bog‘i”  yodgorlik  majmuasi  va uning   tarkibidagi “Shon-sharaf” davlat muzeyi haqida hikoya qilinadi, — deydi O‘zbekiston eng yangi tarixi masalalari bo‘yicha muvofiqlashtiruvchi metodik markaz direktori Kozimxon Sagdullayev.

 

Unda, shuningdek, shonli sana munosabati bilanchop etilgan  kitoblar,  tadqiqot  natijalari  bo‘yicha  maʼlumotlar o‘rin olgan. Zulfiya  aya Zokirova, Mamadali Topivoldiyev, Ahmadjon Mamajonov, Karimjon Isoqov kabi qahramonlarning avlodlari dil so‘zlari ham berilgan bo‘lib,  ularda xalq jasoratiga ko‘rsatilayotgan ehtirom uchun minnatdorlik bildirilgan.

 

Kitob-albomning “Yangi  arxiv hujjatlari”  bo‘limidan  O‘zbekistonga taqdim etilgan  Rossiya mudofaa vazirligi  markaziy arxivida  saqlanayotgan  general-mayyor  Sobir Rahimovning  shaxsiy  yig‘ma  jildidagi  hujjatlar, O‘rta Osiyo  Harbiy  okrugiga  taalluqli materiallar  o‘rin olgan.

 

Xalqimizning yaqin o‘tmishidagi  shonli tarixi, yengilmas irodasi va matonati, bashariyatni fashizm balosidan xalos  etishga  qo‘shgan  ulkan  hissasi haqida  hikoya  qiluvchi  ushbu  nashr yurtimizda inson xotirasi aziz va muqaddas ekanini nаmoyon etish bilan birga, har birimizni bugungi tinch va osuda hayotni qadrlab yashashga daʼvat etadi.

 

 

Munojat Valiyeva