“Nyukasl” bosh murabbiyi Stiv Bryus isteʼfoga chiqdi
Angliyaning “Nyukasl” klubi bosh murabbiy Stiv Bryus isteʼfoga chiqarilganini maʼlum qildi.
Xabarlarga ko‘ra, tomonlar amaldagi shartnomani o‘zaro kelishuv asosida bekor qilgan. Jamoa yaqin vaqt ichida yangi bosh murabbiy bilan muzokara olib boradi. 60 yoshli Stiv Bryus “Nyukasl”da 2019 yildan buyon ishlab kelayotgan edi.
Jamoani endi vaqtincha Grem Jons boshqarib turadi.
Eslatib o‘tamiz, “Nyukasl” klubini Saudiya Arabistoni investitsiya fondi sotib olgandi. Yaqinda Antonio Konte klub bosh murabbiyligiga asosiy nomzod sifatida ko‘rilayotgani aytilgandi.
Avvalroq “Nyukasl” Ikardi va Remzi uchun yangi taklif kiritmagani va La Liganing ikki klubi bosh murabbiysiz qolgani haqida xabar berilgandi.
Jamshidbek Amirov
