Sportchilarimiz saylovda faol qatnashmoqda
Sportchilarimiz ham bugun konstitutsion va fuqarolik huquqlaridan foydalangan holda o‘zlari tanlagan nomzodga o‘z ovozlarini berishdi.
Xususan, bugun Tokio-2020 Paralimpiya o‘yinlarida chempionlikni qo‘lga kiritgan Uchqun Quronboyev hamda Sherzod Namozovlar prezidentlik saylovlarida birinchilardan bo‘lib ovoz berishdi. Bundan tashqari O‘zbekiston dzyudo terma jamoasi aʼzolari ham bugungi saylovda faol ishtirok etishmoqda. Unda Tokio-2020 Olimpiya o‘yinlarining sovrindori Davlat Bobonov birinchilardan bo‘lib o‘zi munosib deb bilgan nomzodga o‘z ovozini berdi.
Avvalroq Xalqaro qilichbozlik federatsiyasi prezidentligiga Alisher Usmonov nomzodi ko‘rib chiqilgani haqida xabar berilgandi.
Jamshidbek Amirov
