Amazon asoschisi Jeff Bezos tijoriy kosmik stansiya qurmoqchi
Yangi loyiha XKS merosini saqlaydi va shu bilan birga uni mikrogravitatsiya sohasidagi innovatsion ishlanmalar bilan boyitadi.
Amazon asoschisi Jeff Bezosning "Blue Origin" kompaniyasi "Sierra Space" bilan birgalikda 2025-2030 yillarga kelib o‘zining tijoriy kosmik stansiyasini quradi. U Yer yaqinidagi quyi orbitada joylashadi, deb xabar qilinadi loyiha saytida.
Stansiya "Orbital rif" (Orbital Reef) nomini oladi. U tadqiqotlar, OAV, kosmik turistlar, tadbirkorlar va boshqalar uchun kosmosda aralash foydalanuv biznes parki vazifasini bajaradi.
Yangi loyiha XKS merosini saqlaydi va shu bilan birga uni mikrogravitatsiya sohasidagi innovatsion ishlanmalar bilan boyitadi.
Qayd etilishicha, stansiya kerakli turar-joy, ilmiy va ko‘p funksiyali modullar va texnika bilan taʼminlanadi. Bozor rivojlanishi bilan ularning soni ham ortib boradi. "Orbital rif"da 10 nafargacha odam yashashi va faoliyat yuritishi mumkin.
Bundan avval Jeff Bezosning Blue Origi kompaniyasi NASAni Oy modulini yaratish va ishlab chiqarish shartnomasini SpaseXga bergani uchun sudga murojjat qilgani haqida xabar berilgan edi.
Sharofat Mahmudova
